ငါဘယ်တော့မှ မမေ့ဘူး
အရာအားလုံး
အဲ့ဒီ သေနတ်တွေ စစ်ဖိ့နပ်တွေအောက်မှာ
ကျဆုံးခဲ့ရတဲ့ ၁၉၈၈ အိမ်မက်ဆိုးများလိုပေါ့...
ငိုရယ် ရီမော၊ မျက်ရည်စတွေနဲ့
ကြည်နူးခွင့် ရခဲ့ဖူးတယ်
၁၉၉၀ နှစ်များစီကပေါ့...
သံဃာတွေ သွေးမြေကျချိန်
ပြည်သူတွေ မျက်ရည်ကျချိန်
စစ်ခွေးတွေ သောင်းကျန်ခဲ့တဲ့
စက်တင်ဘာ ၂၀၀၇
ငါ့အသိ့ထဲမှာ ရှိနေတုန်းဘဲ...
နာဂစ်ဆိုတဲ့ ဆိုင်ကလုန်း
ငါ့အိမ်ခေါင်ကို ဝါမျိုးသွားတဲ့နောက်
ခုနှစ်ရက်ကြာ ငရဲစခန်းထဲ
တော်တော်ဒုက္ခများခဲ့ဘူးတဲ့
၂၀၀၈ ကပ်ဘေးဆိုးကြီးကို
ငါဘယ်တော့မှ မမေ့နိူင်ဘူး...
ဟားတိုက် ရီမော၊ ဒေါသတွေမြိုသိပ်
ကြိန်ဆဲအခါခါ မိုက်ရိုင်းနေရတယ်
၂၀၁၀ ရက်စွဲများကိုပေါ့...
မြန်မာပြည်က လာတာပါလို့
မပြောမိစေနဲ့
မင်းကို လှောင်ပြံးတွေနဲ့
ကြိုဆိုကြမယ့် ၂၀၁၃ ရက်စွဲများမှာ
ငါရင်နာခဲ့ရတယ်
၁၉၉၀ တုန်းကအောင်ပွဲ
၂၀၁၅ ရောက်မှ ဒို့ လက်သန်းတွေရဲ့အား
အပြတ်အသတ် ဒိုင်ပွဲရပ်နိူင်ခဲ့တယ်
မကြာခင် ၂၀၁၆ ကို နှုတ်ဆက်ပြီ
၂၀၁၇ မှာ စိတ်လှုပ်ရှားဖွယ်ရာ
တစ်ပွေ့တစ်ပိုက်နှင့် ကြည်နူးဖွယ်ရာ အသက်ငွေ့ငွေ့များ
မျှော်လင့်ချက် တစ်စုံတစ်ရာအတွက်
ဆက်ရှင်သန်ကြမယ်…
မျှော်လင့်ခြင်းရောင်နီ သန်းပြီ
ငါတို့ တက်ညီလက်ညီ ချီတက်လိုက်ရတဲ့
ငါးနှစ်တာကလာ ၂၀၂၀ အကုန်ထိမျှသာ
ဒီတစ်ခါ အာဏာလု ဘိုတုအမည်ခံ
ခွေးသတောင်းစား
၂၀၂၁မှာ ခုံလုလို့ သွေးချောင်းစီခဲ့ပြီ
ဒီတစ်ချီ ဒီတစ်မောင်းမှာ အာဏာရှင်ကို အမြစ်ဖြုတ်
သုတ်သင်လို မောင်းနှင်းထုတ်မယ် ဒီကမ္ဘာမြေကြီးပေါ်က
ငဗစ်ကို အံတု ဘိုတုကို ချေမှုန်းမည့် အမျိုးကောင်းသားများ
အဖိတ်အစင်နည်းဖို့ရာ တို့တွေ တစ်ယောက်တစ်လက်
ပါဝင်ကအားဖြည့်ကြမယ် စုပေါင်းအင်အား
ငယ်ဖြူ
No comments:
Post a Comment