ကမ္ဘာကြီး ပူနွေးလာတာ
လူတွေရဲ့ အတ္တကြောင့်
အပေးအယူ မညီမျှတဲ့
သဘောတရားတွေလည်းပါတယ်
မမျှတတဲ့ ဒီစိတ်ရိုင်း
ဘယ်သူ အသက်သွင်းခဲ့သလဲ
ကိုယ့်အတ္တအတွက်
သဘာဝကို ကြက်ခြေမခတ်ပါနဲ့
အိုင်စတိုင်းဆိုတဲ့သူကို
တော်တော် စိတ်နာတယ်
E = mc2 ကြောင့် လည်းပါတယ်
ကမ္ဘာမြေဆွဲငင်အား အကြောင်းလဲ
သူတို့ သတိမရပါစေနဲ့
စိတ်နဲ့ ဒီအတိုင်းလွင့်ချင်ရာ လွင့်ခွင့်ကိုတောင်
ထိန်းချုပ်လိုက်ကြမှာစိုးလို့ပါ
အချိန်အတော်ကြာ အနည်ထိုင်နေတဲ့
စိတ်မီးတောင် ပေါက်ကွဲတဲ့အခါ
ကောင်းကင်ကြီး ခံစစ်မဲ့နေခဲ့
ကဲ...မမျှတတဲ့အကြောင်းတွေကို
မျှမျှတတဘဲ ဆွေးနွေးကြရအောင်..မိတ်ဆွေ။ ။
No comments:
Post a Comment